Berisha: Jap dorëheqjen nga funksionet e mia në PD

"Nuk arritëm të fitonim në garën e 23 qershorit dhe për këtë që ndodhi, përgjegjësia bie mbi një njeri të vetëm dhe ky jam unë, Sali Berisha. Duke marrë të gjitha përgjegjësitë, kam vendosur që të jap dorëheqjen nga funksionet e mia në forumet e Partisë Demokratike".
Ky ishte thelbi i fjalimit të shumëpritur këto orët e fundit nga Kryeministri Sali Berisha, i cili pritej të dilte në publik pas humbjes që pësoi në zgjedhjet e të dielës.

Me një fjalim të mirëpërgatitur, Berisha deklaroi se do të qëndrojë në Partinë Demokratike për të dhënë kontributin e tij, ndërsa e konsideroi këtë fjalim, jo si fjalim lamtumire, por si një veprim normal pas zhvillimeve të fundit.

Ndryshe nga gjuha e ashpër politike përpara dhe gjatë fushatës, Berisha i uroi kundërshtarit të tij Edi Rama mbarësi në detyrën e re.

Berisha tha se ky mesazh ishte i vonuar, por e justifikoi këtë duke thënë se e bëri për të respektuar punën e komisionerëve që numëronin votat e shqiptarëve.

Kryeministri theksoi se i bindet verdiktit të sovranit, i cili foli me votë dhe zgjodhi alternativën tjetër.

"Qytetarët votuan alternativën tjetër, sepse kundërshtarët kanë premtuar shërbime shëndetësore falas, ulje të taksave për 95 për qind të popullsisë e këto premtime ne nuk mund t'i bënim dot, sepse ato bien në kundërshtim me barazinë sociale dhe me konkurrencën e ndershme", tha Berisha.

Më tej, me bindjen se PD do të rivijë në pushtet, Berisha u shpreh se në mandatin tjetër do të realizohen të gjitha premtimet e bëra për zhvillimin e Shqipërisë, ndërsa bëri një panoramim të punës 8-vjecare në krye të qeverisë.Po ashtu Berisha vlerësoi projektin TAP, si historik për fatin ekonomik dhe zhvillimin e Shqipërisë.

Berisha e përshëndet TAP, por në hartë mungon Kosova

Pas një heshtje tre ditore erdhi edhe reagimi i pare i kryeministrit Sali Berisha ne faqen e tij ne rjetin social Facebook.
Berisha nuk reagoi per humbjen e zgjedhjeve por përshëndeti përzgjedhjen e projektit të gazsjellësit TAP. “Te dashur miq, projekti i gazesjellesit TAP u perzgjodh. Fitoi Shqiperia, projekti i shekullit per ne!!!” shkruan Berisha, ndërsa në hartën e publikuar, Kosova nuk figuron si shtet më vete.
Tch

... Kur degjova zerin qe dha doreheqjen... nuk me vjen turp fare te them qe u perlota (e loti eshte ndjenje)... ndjesite dhe perceptimet pikerisht pse jane te ndryshme nuk duhen gjykuar... ndjesia dhe perceptimi im eshte qe nje burre i tille, rralle i vjen nje kombi... koha do tregoje ne kam te drejte...

ZOTI te ruajte Sali Berisha!!!!!

Dorëheqja e Dr. Sali Berishës, një veprim i logjikshëm, i pritur dhe i mençur, në rend të parë për shkak të moshës së tij, jetës së gjatë në politikë dhe nevojës së reformimit të partisë, për një rikthim në pozicionin drejtues të shtetit.
Gjatë veprimtarisë politike e shtetërore më shumë se 20 vjeçare, Sali Berisha padyshim ka bërë veprime të gabuara dhe ka pasur dështime, por gjithsesi i madh mbetet kontributi i tij në zhvillimin e demokracisë dhe ndërtimin e shtetit shqiptar. Vetëm të verbërit politikisht e shpirtërisht nuk arrijnë të shohin dhe të pranojnë një gjë të tillë.

Ikuu Sali..o sali.sa sipmatizus kishe pas mer ti knej as vet me duket se di ..u habita kur pash ''ca ftyra'' te merzitura nga lajmi i dorheqjes!!

P.s Beri ate qe do e bente gjod Politikan ne vendin e tij...per 23 vite ka majt postin e drejtusit, i erdh koha te dali ne Pension..

berisha dha dorheqje sepse i humbi zgjedhjet dhe e pranoj publikisht ashtu si ika hije nje shiptari berisha do jet nje legjend e gjall si nje politikan trim i zgjuar dhe nje patriot i flaket zoti te bekofet o sali berisha