‘Vampirja’: Do të largoj brinjët dhe do të vë implante në duar (Foto)

Maria Jose Cristerna ka burrin, fëmijët dhe punën, mirëpo ajo që nuk është normale është dukja e saj. Përveçse të gjithë trupin e ka të mbuluar me tatuazhe, meksikania 35-vjeçare ka brirë artificialë, pirsing, bën makijazh të çuditshëm, mban lente dhe ka dhëmbë vampiri.Femra nga Guadalajara njihet si “vampirja meksikane”- por ajo thotë se bën jetë normale: çdo mëngjes i zgjon fëmijët për në shkollë, u përgatit atyre dhe burrit të saj ushqim, punon si artiste tatuazhesh, ndërsa është e diplomuar në juridik.“Ëndrra ime vampiriane është që të bëhem e pavdekshme”, ka thënë Maria për The Huffington Post, duke shtuar se përkundër që ka disa tatuazhe do të dëshironte të bëjë edhe më shumë, si edhe të ndërhyjë në trupin e saj.“Do të largoj brinjët që beli të më duket më i hollë. Dhe do të vendos implante në duar. Është veçoria e femrës që gjithmonë të detyron të dukesh më mirë”, ka thënë Maria. /Telegrafi/