Shet veshkën për të blerë iPhone

Shangai, 6 prill 2012, NOA- Pesë persona u arrestuan në Kinë për tregtim ilegal të organeve, pasi një djalë 17 vjeçar shiti një veshkë për të blerë një iPhone dhe një iPad.

Siç informon agjencia e lajmeve noa.al, ngjarja në fjalë ndodhi në një provincë të Hunan, ndërsa tregtimi i veshkës u organizua nga He Wei, i cili kishte humbur shumë para në lojë dhe që nga shitja e veshkës fitoi 220.000 yuan ose 30 mijë euro, ndërsa studentit i dha 3 mijë euro.

Mësohet se i riu ndodhet në gjendje të rëndë shëndetësore, ndërsa nga ana e policisë thuhet se ai e kishte pranuar menjëherë marrëveshjen për të shitur veshkën pasi prej kohësh dëshironte të kishte një iPhone dhe një iPad.

a.y/noa.al