Zbulohet në Gramsh ujëvara e Sotirës, një perlë e natyrës

GRAMSH – Zbulohet ujëvara e Sotirës në Gramsh. Një nga perlat e natyrës ka nisur të eksplorohet nga turistë vendas e të huaj. Ajo ndodhet rreth 60 kilometra larg Gramshit dhe për të arritur në zonën e ujëvarës duhet të ecësh më shumë se dy orë më këmbë. Emrin Sotirë e ka marrë nga fshati ku edhe ndodhet ujëvara, që dikur ka qenë me 120 shtëpi, ndërsa sot vetëm 20 prej tyre janë të banueshme. Dikur ujëvara 100 metra, që buron nga mali i Tomorit, vizitohej kryesisht nga banorët e Gramshit dhe zonave përreth për shkak të infrastrukturës së keqe. Ndërsa sot, një rrugë që ka nisur të shtrohet, do ta bëjë këtë zonë të virgjër të natyrës një pikë turistike me vlera të mëdha për vendin. Ka qenë iniciativa e trajnerit të alpinizmit në Elbasan, Artur Guni, i cili nëpërmjet rrjetit social “Facebook”, i ftoi të gjithë adhuruesit e natyrës t’i bashkohen eksplorimit të kësaj zone të mrekullueshme. Ftesës iu bashkuan 160 të rinj e të reja, një pjesë e të cilëve të huaj. “Ishte një eksplorim i mrekullueshëm, një bukuri e rrallë, një qetësi që rrallëherë njeriu e gjen në momente të caktuara”, u shpreh Guni. Të njëjtin mendim ndan dhe Franka, e cila ka ardhur enkas nga Italia për këtë eksperiencë. Në këtë zonë do të nisë edhe ndërtimi i një hidrocentrali, çka do të mundësojë edhe shtrimin e rrugës. Fshati i Sotirës ndodhet në fund të Gramshit, në kufi me Kuçovën, një zonë e pashkelur ende, e panjohur deri tani, por tashmë kjo ujëvarë shumë shpejt do të ftojë rreth saj pushues të shumtë, për nga vetë relievi malor dhe i rrethuar me lëndina. Kështu shprehen vizitorët apo turistët që eksploruan këtë zonë dhe bënë të njohur një perlë të natyrës shqiptare.

Mendoj se, tema i perket kapitullit te Gjeografise mo...

Luan_Valikardi shkruajti:Mendoj se, tema i perket kapitullit te Gjeografise mo...

Tema zhvendoset pa nje pa dy nga Bota e Cuditshme...

Se nuk eshte aspak e cuditshme qe Shqiperia eshte ZEMER eshte e jo me mbrekulli gjeografike...