Llamba e pavdekshme!

Vazhdon të ndriçojë edhe pas dy Luftërave Botërore

Ka kaluar një shekull që nga koha që është prodhuar, por kjo llambë vazhdon të ndriçojë, sikur të mos ketë kaluar as edhe një ditë. Pronari i saj është 74-vjeçari Roger Dyball, i cili është 25 vjet më i ri sesa llamba që posedon, e cila i ndriçon verandën çdo natë dhe… nuk është djegur kurrë!

“Është e pabesueshme! Nëse vazhdon kështu, s’ka për t’u djegur kurrë!” – janë fjalët e tij.

Dyball dhe bashkëshortja e tij 74-vjeçare jetojnë në një shtëpi në Lowestoft të Safol 45 vjetët e fundit. Ata thonë se llambën e gjetën tek kjo shtëpi.

“Kemi ardhur tek kjo shtëpi në vitin 1967 dhe llambën e gjetëm këtu”, thotë çifti.

Për të mësuar më shumë rreth saj, 74-vjeçari dërgoi një kërkesë në zyrat qendrore të kompanisë që e kishte prodhuar, në Londër. Më 30 janar 1968 mori këtë përgjigje nga kompania:

“Bazuar në numrat e serisë që na dërguat, llogaritet që kjo llambë të jetë prodhuar në korrik të vitit 1912”. /alb-observer.com/