Share
Shko poshtë
Durrsaku
Durrsaku
V.I.P Forumi
V.I.P  Forumi
 <b>Gjinia</b> Gjinia : Male
<b>Shteti</b> Shteti : Shqipëria
 <b>Mosha</b> Mosha : 42
<b>Postime</b> Postime : 12667
<b>Hobi</b> Hobi : bisedat e sinqerta
 <b>Vendndodhja</b> Vendndodhja : diku
<b>Anetaresuar</b> Anetaresuar : 04/12/2011

default 21 misteret më të mëdha të kompjuterit. Si t’i zgjidhni ato?

prej Fri 17 Aug 2012 - 11:16

21 misteret më të mëdha të kompjuterit. Si t’i zgjidhni ato?  58b053c805beeea9e04dde1724076741_L










Zbuloni se pse nuk ju printohen dokumetet, ku kanë
shkuar shkarkimet tuaja, çfarë është një skedar .dat, si e kanë pushtuar
shfletuesin tuaj toolbar-ët e çuditshëm dhe shumë të tjera. Edhe pse
kompjuterët e sotëm janë pajisje të mahnitshme, ato vazhdojnë të bëjnë
gjëra të pashpjegueshme. Po ju paraqesim disa nga pyetjet që i keni bërë
gjithmonë vetes dhe përgjigjjet për to:



1. Ku kanë përfunduar shkarkimet e mia? Pse nuk i gjej dot?



Është shfletuesi ai që zgjedh vendin se ku do të ruhen shkarkimet.
Megjithatë ky proçes mund të kontrollohet nga ju. Për Firefox, klikoni
tek Tools, Options dhe tek Downloads Section të General Tab mund të
vendosni follderin se ku doni të ruhen shkarkimet tuaja. Për Chrome, në
anën e djathtë të dritares klikoni ikonën e çelësit anglez, zgjidhni
Settings dhe në dritaren e re që hapet shkoni deri në fund tek seksioni
Downloads. Tek Downloads Location mund të specifikoni follderin ku
dëshironi të ruani shkarkimet.



2. Pse nuk karikohet iPad-i im kur e lidh me kompjuter?



Kablli nuk ka mjaft kapacitet për të përcuar sasinë e duhur të
vatëve. Apple rekomandon të gjeni një prizë dhe një adaptues fuqie prej
10 vatësh.



3. Pse mund ta shoh një video në kompjuterin desktop por jo edhe në laptop?



Mesa duket laptopit i mungojnë kodekset e duhura për të lexuar
videon. Kontrolloni formatin e saj dhe kërkoni në internet për të
shkarkuar kodekset e nevojshme.



4. Printeri nuk po printon dhe Windows-i nuk më lejon të
anuloj apo të fshij dokumentat që janë në pritje për t’u printuar.
Çfarë po ndodhë?




Ka një problem komunikimi mes kompjuterit dhe printerit. Shkarkoni
aplikacionin Stalled Printer Repair i cili bën të mundur spastrimin e
dokumentave që presin në rradhë për t’u printuar.



5. Kur hap kompjuterin dëgjoj disa sinjale që tingëllojnë si ‘beep’. Çfarë kuptimi kanë?



Këto ‘beep’ vijnë nga BIOS, një pjesë softuerike e ndërtuar në
njësinë qëndrore të kompjuterit. Një ‘beep’ i vetëm nënkupton se
gjithçka po funksionon siç duhet. Dy ‘beep’ të gjata të shoqëruara me
tre të shkurtra nënkuptojnë se sistemi nuk ka arritur të përfundojë
kontrollin e ndërfaqes së tastierës. Një ‘beep’ i gjatë i shoqëruar me
dy të shkurtra zakonisht nënkupton probleme me videon. Për të mësuar mbi
kuptimin e llojeve të ndryshme të ‘beep’ lexoni manualin e sistemit
tuaj.



6. Tek follderët e imazheve digjitale shpesh gjej një
skedar me emrin Thumbs.db. Çfarë është dhe si mund ta fshij pa prishur
punë?




Thumbs.db është një skedar i Windows që mbanë listën e imazheve (në
formën thumbnail) për foto, dokumente, Ueb faqe etj. në një folder të
caktuar. Ky skedar i redukton kohën e nevojshme Windows-it për të
riprodhuar në formë thumbnail skedarët e folderit. Tek Vista dhe Windows
7, Thumbs.db ruhen në vende të caktuara, prandaj nuk i shihni shumë
shpesh nëpër follderët tuaj. A mund ta fshini Thumbs.db? Sigurisht që
po, por nuk ju rekomandojmë. Në vend të saj mund të komandoni Windows-in
tuaj të mos e shfaqë. Hapni Windows Explorer, klikoni Tools, Folder
Options dhe tek View Tab lereni bosh kutizën që i përket ‘Show hidden
files and folders’. Klikoni OK dhe Thumbs.db nuk do të shfaqet më (edhe
pse do të jetë pjesë e follderit).



7. Pse të gjitha kamerat digjitale – madje edhe smartphonët i ruajnë fotot në një follder të quajtur DCIM?



DCIM është shkurtesa për Digital Camera Images dhe është follderi i
paracaktuar për kamerat digjitale. Ky është një emër që është vendosur
para shumë kohësh, që prej krijimit të kamerave digjitale.

8. Më është zhdukur ikona e Recycle Bin. Si ta rikthej?


Ndoshta Recycle Bin nuk ka qënë asnjëherë në desktop (ka disa
kompjuterë të rinj që nuk e kanë të vendosur në desktop), ose ndoshta
është fshirë aksidentalisht. Megjithatë, mund ta ktheni pa problem. Tek
Vista dhe Windows 7, klikoni tek Start, shkruani desktop icons, dhe më
pas klikoni ‘Show or hide common icons on the desktop’. Klikoni kutizën
ngjitur me Recycle Bin dhe më pas OK. Për përdoruesit e XP, Windows ka
një ekpert automatik në lidhje me këtë problem. Shkoni tek Microsoft
Support dhe kur të shfaqet dritarja Fix-it zgjidhni Run now.



9. Pse ristartohet Windows-i pa lejen time? Si mund ta ndaloj?



Ky problem ka lidhje me azhurnimet automatike. Tek Vista dhe Windows 7
mund ta zgjidhni kështu: klikoni Start dhe shkruani Windows Update, më
pas klikoni Enter. Klikoni Change Settings në të majtë dhe zgjidhni
Download updates but let me choose whether to install them. Klikoni OK.



10. Nga erdhën gjithë këto toolbar-e të çuditshme tek shfletuesi im dhe si mund t’i heq qafe?



Ndonjëherë ato instalohen së bashku me programe të ndryshme por nuk
mungojnë dhe rastet kur kanë funksionet e spyware-ve. Fillimisht duhet
të ndiqni me vëmendje hap pas hapi çdo program që instaloni dhe të mos
klikoni ‘next… next’ pa lexuar kushtet e instalimit. Për të fshirë
toolbar-et e panevojshme, çinstalojini ato nga Control Panel.



11. Si u instalua QuickTime tek kompjuteri im dhe a është e nevojshme ta mbajë?



Ky softuer instalohet së bashku me iTunes dhe shërben për të shfaqur
foto, video, për të luajtur muzikë etj. A ju duhet? Nëqoftëse keni një
iPod, iPad apo iPhone, ju duhet QuickTime. Ndonjëherë QuickTime përdoret
edhe nga faqe të ndryshme Ueb për të shfaqur filma apo video. Këshilla
jonë: nëse nuk keni ndonjë arsye specifike për ta fshirë, më mirë lereni
në kompjuter.



12. Kam të instaluar MS Word. Pse nuk i hap dot skedarët .docx?



Me siguri jeni duke përdorur Word 2003. Formati .docx i përket
versioneve Word 2007 e më lartë. Ajo çka ju duhet është Microsoft Office
Compatibility Pack for Word, Excel and Powerpoint 2007 File Formats.
Është një shtojcë që mund ta shkarkoni nga interneti dhe bënë
konvertimin e skedarëve nga ato të Office 2007/2010 tek Office
2003/XP/2000.



13. Pse nuk më lejon Windows-i të fshij një skedar të caktuar?



Nëse Windows-i nuk ju lejon të fshini skedarë, kjo ndodhë për shkak
se një program tjetër është duke e përdorur atë skedar. Zgjidhja? Bëjini
një ristart kompjuterit dhe më pas, pa hapur asnjë program, provojeni
ta fshini.



14. Pse disa programe lënë pas skedarë dhe follderë edhe pasi i kam çinstaluar?



Kjo ndodhë pasi disa programe që shërbejnë për çinstalim nuk
funksionojnë siç duhet. Provoni IObit Uninstaller. Është pa pagesë.

15. Pse Adobe Reader dhe Java bëjnë azhurnime kaq të shpeshta? Duhet t’i lejoj patjetër?


Azhurnimet e Java-s dhe Adobe bëhen shpeshherë për të mbushur
boshllëqet që lidhen me sigurinë tuaj. Sigurisht që duhet t’i lejoni
sepse lidhen me mbrojtjen e skedarëve dhe kompjuterin tuaj. Megjithatë,
nëse azhurnimet e shpeshta ju bezdisin, përdorni programe tjera për
shfaqjen e skedarëve PDF si Foxit Reader, Nitro PDF apo Nuance PDF
Reader. Sa për Java-n, nuk keni alternativa tjera.



16. Është domsdoshmërisht e nevojshme të bëjë azhurnimet e Windows?



Po! Patjetër që duhet ta azhurnoni Windows-in për arsye sigurie,
megjithatë ka një mënyrë për të reduktuar atë ‘bezdisjen’ e porosive
azhurnuese. Bëjeni Windows-in që të azhurnohet automatikisht, pa ju
njoftuar. Klikoni Start, shkruani Windows Update dhe më pas shtypni
Enter (në XP, shkoni tek Control Panel dhe gjeni Windows Update).
Klikoni Change Settings dhe zgjidhni Install updates automatically.
Klikoni OK. E vetmja herë që do të pranoni porosi nga Windows-i do të
jetë në rast se është i nevojshëm ristarti.



17. Ka rëndësi nëse bëjë apo jo ‘safely remove’ kur heq pajisjet nga kompjuteri?



Patjetër! Nëse nuk e bëni, skedarët tuaj mund të dëmtohen, të bëhen të palexueshëm apo edhe të dyja rastet.



18. Windows më pyet nëse dua të aktivizoj Sticky Keys. Çfarë janë dhe si duhet t’i përdor?



Opsioni Sticky Keys lehtëson qasjen e disa funksioneve të tastierës.
Supozojmë se doni të përdorni shkurtesat për Copy (Ctrl + C) apo Undo
(Ctrl + Z). Me Sticky Keys, nuk ka nevojë të mbani të shtypur dy taste
njëkohësisht. Në vend të saj, mund të shtypni fillimisht Ctrl, ta
lëshoni dhe më pas të shtypni tastin tjetër që doni të përdorni.



19. Pse nuk dërgoj dot një skedar të caktuar si attachment me e-mail?



Ndoshta skedari është shumë i madh dhe e kalon kapacitetin e lejuar
të serverit të e-mailit. Psh, Gmail dhe Yahoo lejojnë deri në 25MB dhe
20MB. Nëse doni të dërgoni një skedar me madhësi mbi atë të lejuar ka
alternativa të tjera përveç e-mailit. YouSendIt ju lejon të dërgoni deri
në 100MB përmes një ndërfaqeje Uebi, një aplikacioni desktop apo edhe
një plug-in që i vendoset Outlook-ut. SugarSync është një alternativë
tjetër që ju lejon një hapësirë online prej 5GB pa pagesë. WeTransfer
është poashtu një opsion tjetër, i cili instalohet në shfletuesin tuaj
dhe ju lejon të shpërndani skedarë deri në 2GB.



20. Si mund ta dalloj nëse një Ueb faqe e caktuar është e sigurtë për t’u vizituar?



Niseni me Web of Trust, i cili është një plug-in pa pagesë që mund të
instalohet tek Chrome, Firefox, Internet Explorer, Opera dhe Safari. Ky
miniprogram ju shfaq tre dritat e semaforit para se të klikoni nëpër
Ueb faqe. Lista e klasifikimit të Ueb faqes krijohet nga përvojat e
përdoruesve të thjeshtë. Edhe ju vetë mund të krijoni listën tuaj
personale.



21. Çfarë janë skedarët .dat që më vijnë ndonjëherë me e-mail dhe si t’i hap?


MS Outlook përdor një version të modifikuar të formatit Rich Text për të
ruajtur lloje shkrimesh, formatimesh etj. Nëse e-maili juaj nuk e
përkrahë këtë modifikim, atëhere shfaqet skedari .dat. Në fakt nuk është
edhe aq e thjeshtë ta hapësh materialin e dërguar kur ai vjen i
bashkangjitur me një .dat. Fillimisht, mund t’i kërkoni dërguesit të
çaktivizojë opsionin e Outlook RTF dhe ta ridërgojë e-mailin. Së dyti,
mund ta hapni materialin në Notepad. Mund të shihni shumë karaktere pa
kuptim, por duke ecur deri në fund, mund të gjeni tekstin që ju është
dërguar. Dhe së fundmi, provoni WMDecode, një program pa pagesë, që
skanon skedarët .dat për materialin e dërguar dhe e ruan këtë të fundit
në mënyrë që të hapet pa problem.


Pra, mallkue njai bir Shqyptari,                                                 21 misteret më të mëdha të kompjuterit. Si t’i zgjidhni ato?  1911676_1468334666723430_821038500_n                                                  
                      qe këtë gjuhë të Perëndis',                
                      trashigim, që na la i Pari,        
                       trashigim s'ia len ai fmis;
edhe atij iu thaftë, po, goja,
që përbuzë këtë gjuhë hyjnore;
qi n'gjuhë t'huej, kur s'asht nevoja,
flet e t'veten e lèn mbas dore.
Mbrapsht në krye
Drejtat e ktij Forumit:
Ju nuk mund ti përgjigjeni temave të këtij forumi