Butrinti, ende regjistron fluks te madh vizitoresh

Drejtori i Parkut Kombëtar të Butrintit, Rajmond Kola, deklaroi se janë shënuar shifra dy herë më të larta se e njëjta periudhë e një viti më parë.
Butrinti, qyteti antik jo më shumë se 15 km larg Sarandës,edhe pse ka përfunduar sezoni veror, vijon të mbetet i preferuar per vizitorë të shumtë nga vendi dhe bota. Vetëm gjatë muajit shtator,qyteti antik u vizitua nga më shumë se 14 mijë turistë, shifër kjo tepër e lartë për sezonin.

Drejtori i Parkut Kombëtar të Butrintit, Rajmond Kola, deklaroi se “muaji shtator shënon në dyndje të madhe turistësh,dy herë më të lartë se ai i të njëjtës periudhë të një viti më parë”. Turistë që vizitojnë Butrintin vijnë nëpërmjet Korfuzit, nga shtete të ndryshme të Europës, Azisë, etj,ndersa rritja e numrit të vizitorëve ka çuar edhe në rritjen e të ardhurave nga shitja e biletave në mënyrë elektronike.