“Testamenti” në teatrin e Vlorës

Në Teatrin Petro Marko të Vlorës ka shfaqur premierën e saj drama “Testamenti”. Kjo pjesë është shkruar nga dramaturgu Ferdinad Hysi dhe është vënë në skenë nga regjisori vlonjat Roland Minga.

Nën interpretimin e jashtëzakonshëm të Rikard Larejes, Roland Mingës, i cili është edhe në rolin e regjisorit, Arben Taratarit, Vladimir Abilaliaj, Astrit Mamajt e Alesia Xhemalaj.

Në qendër të dramës është një plak 100-vjeçar i cili fton gjithë nipërit dhe mbesat e tij se ka për t'ju lënë trashëgimi një testament.

Kutia ku mendohet se ka dicka kthehet në një objekt kurioziteti, ambicie, apo përvetësimi nga të gjithë.Por çfarë ka vallë ky testament misterioz? Kjo është gjithë dilema që përshkon shfaqjen dhe është sjellë mjeshtërisht në skenë nga trupa e aktorëve.

Drama do të shfaqet në Teatrin e Vlorës për disa ditë me radhë.