Absurde: 51 vjeçari izoloi 1 vit brenda katër mureve familjen e tij

Një ngjarje e rëndë ka ndodhur në Francë, ku një 51 vjeçar ka izoluar për një vitë të tërë familjen e tij. Nga mediat mësohet se ngjarja ka ndodhur në zonën Saint-Nazaire, rajon perëndimor në Francë, pranë Nantes. Kryefamiljari kishte mbyllur brenda banesës familjen e tij, që përbëhej nga katër fëmijë prej 20, 19, 17 dhe 14 vjeç si dhe bashkëshortja.

Për një vit, ata nuk kishin dalë jashtë mureve të shtëpisë, të cilat ishin mbushur plot me myk. Polica tregon se ka qënë bashkëshortja që ka telefonuar policinë dhe këta të fundit kanë arrestuar 51 vjeçarin dhe e kanë dërguar menjëherë në një institut të specializuar psikiatrik. Gjithashtu mësohet se janë gjetur brava, kyçe të mëdha dhe lloza të hekurta në pjesët e jashtme të dyerve të banesës, që mundësonte izolimin e plot të tyre. Ndërsa fëmijët, një djalë dhe tre vajza, paraqesin shenja të forta problemesh të zhvillimit mendor dhe janë marrë nga një shoqatë psikologësh./alb-observer.com/