Pas zgjedhjeve parlamentare, 5 euro për të kaluar në Rrugën e Kombit

Ministria e Transportit ka konfirmuar se Rruga e Kombit do të ketë taksë pas zgjedhjeve. Pakti pritet të firmoset në shkurt apo në mars me kompaninë fituese, ndërsa zbatimi dhe marrja nën kontroll e rrugës për të paktën 25 vjet, do të bëhet në verë, në pikun e sezonit turistik dhe pas përfundimit të zgjedhjeve parlamentare.

Sipas projektit do të jepen me koncesion akset Milot-Kalimash-Morinë më një gjatësi totale afro 115 km, me synimin e mirëmbajtjes nga shoqëri private kundrejt pagesës prej 5 eurosh. Sipas kontartës kompania që do të marrë rrugën me koncesion, duhet të investojë të paktën 80 milionë euro, jo vetëm për mirëmbajtjen, por edhe vendosjen e sigurisë dhe mbjelljes së pemëve si dhe rrethimin me gardh prej telash për të mos lejuar kalimin e banorëve dhe kafshëve të zones.

Në këtë aks lëvizin mesatarisht 6500-7000 automjete dhe qeveria mund të mbledhë vetëm nga tuneli rreth 13 milionë euro në vit./alb-observer.com/