Usain Bolt: Dua te vrapoj 200m në më pak se 19 sekonda

Njeriu më i shpejtë në botë ka dëshirë të mahnisë sërish.
"Këtë vit dua të provoj të thyej disa rekorde botërore. Një nga objektivat kryesorë për mua është të vrapoj 200 metrat në më pak se 19 sekonda. Për këtë do të punoj fort". Duket se Usain Bolt ka dëshirë të mahnisë sërish. Me rastin e marrjes së çmimit nga Federata Xhamajkane e Atletikës, kampioni i shumëfishtë olimpik ka bërë të ditur se do të përqendrojë forcat e tij te gara e 200 metrave, ku mban rekordin botëror me kohën 19''19. "I kam fituar të gjithë titujt e mundshëm, por dua të konfirmoj atë të 200 metrave në Botërorin e verës së ardhshme - ka shpjeguar Bolt -. Shpresoj vërtet që këtë vit të bëj gjëra të mëdha". Bolt u vlerësua si atleti më i mirë xhamajkan i vitit.