Pse mbretëresha Elizabetë s’e ka vizituar kurrë Greqinë?

Mbretëresha Elizabetë II është ndoshta monarku që ka bërë më shumë vizita në mbarë botën. Ka qenë në 116 vende, por jo në Greqi.

Sipas BBC, kjo mund të duket e çuditshme pasi ajo nuk ka shkuar në vendlindjen e të shoqit të saj, Filipit, Dukës së Edinburgut.

Princi Filip është një princ grek, thotë historiani i mbretërisë, Hugo Vickers, ndaj për këtë arsye është i çuditshëm ky fakt.

Arsyeja, beson ai, është për shkak të historisë së trazuar të monarkisë në Greqi, që ka prekur familjen e Princit Filip.

“Princi Filip nuk e pëlqen Greqinë për shkak se ata nxorën në gjyq babain e tij dhe ai mund të jetë ekzekutuar,” thotë Vickers.

“Në vitin 1922, ata të gjithë u arratisën”. Princi Filip u kthye shumë rrallë.

Në fakt Mbretëresha ka qenë në Greqi me ftesë të Mbretit Pol, kushëri i Princit Filip, por kjo ka ndodhur përpara se ajo të kurorëzohej.

Në vitin 1963 Mbreti Pol shkoi për vizitë në Britani, që ishte një vizitë shumë kontraversiale pasi në Greqi kishte një numër të madh të burgosurish politikë.

Pas vizitës, Mbreti Pol vdiq. Pasuesi i tij, Mbreti Konstantin, u largua nga froni në vitin 1973. Tani ai jeton në Londër dhe e quan veten sërish mbret dhe ka marrëdhënie të ngushta me Mbretëreshën.

Por Vickers ka dyshime se edhe grekët nuk e kanë ftuar ndonjëherë Mbretëreshën për një vizitë zyrtare.kosovalbaner.com