Arrestohet një nga “zotërinjtë” e drogës në vitet ’90

ROME- Një shqiptar, 38 vjeç, i dënuar me 13 vjet burg nga një Gjykatë në Torino të Italisë është arrestuar në Romë.
I shumëkërkuari, sipas mediave italiane është Llajdi Laze, i dënuar në vitin 2008 për veprën penale të trafikimit ndërkombëtar të drogës.
Laze nga mesi i viteve 90-të është konsideruar si një nga “zotërinjtë” e tregtisë së drogës midis Italisë dhe Shqipërisë, që realizohej nëpërmjet rrjeteve shpërndarëse të Napolit, Ankonas, Milanos dhe Romës.
Identifikimi i tij ka qenë i vështirë, është shprehur policia italiane, pasi shqiptari jetonte me dokumente bullgare false. Hetuesit megjithatë, pasi një hetimi të gjatë, dhe pas sekuestrimit të një sasie prej 11 kg droge së fundi, kanë mundur ta identifikojnë.
Së fundi, 38-vjeçari shqiptar, bashkë me miqtë e tij kishte gjetur strehë në Zagarlo, ku dhe u arrestua./panorama