Spanjë, aksident hekurudhor, 77 viktima

Firma hekurudhore “Renfe” konfirmoi daljen e një treni nga shinat, pranë qytetit të Santiago de Compostela, në rajonin e Galicia-s.

Bilanci është 77 të vdekur dhe 100 të tjerë të plagosur, ndersa pamjet filmike treguan shumë trupa të shtrirë e të shpërndarë pranë vagonëve të shkretuar.

Kryeministri Mariano Rajoy pritet të udhëtojë drejt këtij rajoni ditën e enjte. Raportimet lokale bëjnë të ditur se aksidenti është më i keqi i ndodhur në Spanjë gjatë këtyre dekadave të fundit.

Treni kishte 13 vagonë, të gjithë të dalë nga shinat, ndërsa 4 prej tyre janë përmbysur tërësisht. “Renfe” njofton se në tren gjendeshin më shumë se 200 pasagjerë dhe ishte një tren “express” mes Madridit dhe Ferrolit në bregdetin gacilian.

Pamjet tregojnë gjithashtu dhjetra punonjës emergjence të mbledhur pranë vagonëve të shkatërruar. Pasagjerët shfaqen të shtrirë në tokë, teksa marrin ndihmën mjekësore.


Pamja e daljes nga shinat me 190 km/h

Top Channel