Sa harxhojnë shqiptarët për dasma?

Mijëra euro edhe këtë vit harxhohen për dasma dhe ahengje familjare, sidomos nga mërgimtarët që vijnë për pushime në vendlindje.

Edhe përkundër krizës ekonomike, prapë se prapë dasmat janë ceremonitë tradicionale për shqiptarët në Maqedoni, për të cilat nuk kursehet asgjë dhe se gati të gjitha familjet futen edhe në borxhe të mëdha, vetëm e vetëm për të organizuar një dasmë tradicionale, por me rite të ndryshme, që kanë një kosto të lartë.

Një dasmë ka një kosto prej 10 mijë euro, kur bëhet fjalë për një dasmë të zakonshme. Këtë e thekson Arbeni, një beqar kumanovar, i cili muajin e ardhshëm do të martohet.

“Rreth 10 mijë euro planifikohet t'i harxhojmë dhe tani për tani kemi mbërritur këtë shifër. Paratë që kemi harxhuar janë salltanetet e ndryshme tradicionale dhe kjo po na mbyt, sepse duhet ndryshuar, nuk shkon më kështu të derdhen shuma të mëdha parash për një mbrëmje, ku paguhen mijëra euro për lokalin, muzikën dhe ceremoni tjera. Këtë e them sepse standardi ynë jetësor nuk na lejon këtë luks ta bëjmë”, thekson për INA kumanovari beqar.

Por një dasmë që organizohet nga një familje mërgimtarësh shkon deri në 30 mijë euro. Këtë e pohojnë të afërm të një familje që bën një dasmë në fillim të gushtit, ku ajo deri tani ka harxhuar rreth 20 mijë euro.

“Po shkojnë këto para, sepse ata vetëm stoli ari kanë blerë mbi 10 mijë euro dhe kjo më duket se nuk është në terezi. Pastaj muzika i shkon në 5 mijë euro, sepse janë thirrur këngëtar të njohur të estradës dhe plus harxhimet e tjera përfshirë lokalin, rrobat, dhuratat dhe harxhimet e tjera të nevojshme”, pohojnë familjarët.

Harxhimet marramendëse bëhen sidomos në zonën e Pollogut, gjegjësisht në rajonin e Tetovës dhe Gostivarit, ku harxhohen mijëra euro për një dasmë.

“Unë jam e diplomuar si juriste, ne me të fejuarin ishim pajtuar për harxhime minimale, por ç'ti bëjmë familjeve tona, që duke ruajtur traditën dhe duke mbajtur doket e zakonet për të mos u koritur para të tjerëve, po shkojnë me të vjetrën, duke plotësuar të gjitha kërkesat e nevojshme”, thekson studentja Ardita.M nga Tetova, e cila është pranë ditës së martesës, por ajo mendon se duhet të harxhohen shuma minimale me organizimin e një dasme simbolike.

Për dallim nga zona e Pollogut, në rajonin e Shkupit dhe Kumanovës familjet bëjnë vetëm dasma të zakonshme me një çmim më të lirë, për shkak se ka humbur rendi të ndiqen traditat për të plotësuar të gjitha kërkesat për një dasmë. /ina/zeri.info

sa qe kam degjuar qe marrin dhe borxh

Une do e rrembej nga shpia, pse do shes fara te zesa/kungulli se do dasem goca kshu?

U vjetersua ky lajm, tani vetem me 3 mije euro shitet nuseja, per dasma do flasim?!!!  

E dhe per ketem sipas disa injorantve Turku ika fajet..

varet se kush martohet