Izraeli përgatitet për mbrojtje nga sulmi eventual nga Siria

Fri 30 Aug 2013 - 20:36

Al Jazeera raporton se mbrëmë, ushtria izraelite, nëpërmjet një bateria antiraketore, ka vendosur 'kupolë të hekurt” në afërsi të Tel Avivit. Kjo ka të bëjë me masat mbrojtëse nga sulmi eventual hakmarrës sirian kundër Izraelit, nëse Sirinë do e sulmonin SHBA-të.
Izraeli vlerëson se të pakta janë mundësit që Siria ta sulmojë këtë vend, në shenjë hakmarrje për ndërhyrje ushtarake perëndimore, thonë zyrtarët e këtij vendi. Dislokimi i baterisë në rajonin Gush Dan, është një nga masat e ndërmarra ditëve të fundit ku sidomos është sforcuar mbrojtja kundërajrore. Gjatë kësaj jave, ushtria izraelite ka mobilizuar qindra rezervistë dhe ka zhvendosur mbrojtjen ajrore nëpër tërë vendin.