Itali, zbardhet misteri i shqiptares së zhdukur

Sat 8 Jan 2011 - 15:45

Ka qenë bashkëshorti
italian autori i vrasjes së 30-vjecares shqiptare Rajmonda Zefi, që
rezultonte e zhdukur që prej natës së fundvitit në Itali. (UPDATE)

Lajmin e bëjnë të ditur mediat
italiane, sipas të cilave bashkëshorti i viktimës, 36-vjecari Francesco
Quinci ka pranuar krimin gjatë një marrjeje të gjatë në pyetje nga
karabinierët.

Sipas burimeve, pas rrëfimit të autorit policia ka kërkuar dhe ka gjetur
mëngjesin e sotëm trupin e pajetë të 30-vjecares shqiptare.
Bashkëshorti vrasës e kishte fshehur atë në një pyll në zonën e Stacemas
pasi e kishte vrarë.

Cifti, që kishte edhe dy fëmijë 3 dhe 8 vjec, ishte në prag divorci dhe
hetuesit e kishin hedhur menjëherë poshtë mundësinë e një largimi të
vullnetshëm të gruas.