Engjujt Shqipetare Forum/portal
Would you like to react to this message? Create an account in a few clicks or log in to continue.

Shko poshtë
avatar
Legjenda
Anetar i perjashtuar
Anetar i perjashtuar
 <b>Gjinia</b> Gjinia : Male
<b>Shteti</b> Shteti : Shqipëria
 <b>Mosha</b> Mosha : 40
<b>Postime</b> Postime : 5560
<b>Hobi</b> Hobi : FUTBOLL
 <b>Vendndodhja</b> Vendndodhja : ne vendi e dashur quhet tetova
<b>Anetaresuar</b> Anetaresuar : 19/02/2012

Shqiptari në Gjermani hidhet në ujin e akullt për të shpëtuar fëmijën e panjohur Empty Shqiptari në Gjermani hidhet në ujin e akullt për të shpëtuar fëmijën e panjohur

Tue 4 Feb 2014 - 20:26
Vetëm Hekuran Krasniqi guxoi të vepronte në ato momente. Duke kërcyer në ujët e akullt, 38 vjeçari kosovar i shpëtoi jetën fëmijës së panjohur që po rrezikonte të mbytej.

Ndodhi të shtunën në Herrichried (Baden Würtemberg, Gjermani). Fëmija trevjeçar, duke u lëshuar me sajën e tij nga kodrina me borë, nuk mundi të frenonte dhe rrëshqiti drejt e në liqenin gjysmë të ngrirë Stehlesee. Asnjëri nga të pranishmit nuk kishte guxim të shkelë mbi shtresën e hollë të akullit për të shpëtuar vogëlushin. Vetëm Hekuran Krasniqi guxoi të vepronte në ato momente dramatike. Duke kërcyer në ujët e akullt, 38 vjeçari nga Binzgeni i shpëtoi jetën fëmijës së panjohur që po rrezikonte të mbytej.

Mbesa e tij e kishte ditëlindjen atë ditë. Ai me motrën, bashkëshortin e saj dhe të gjithë festuesit e ditëlindjes kishin ardhur për tu kënaqur në ambient me borë. Kur po dilte nga vetura, Hekurani pa grumbullimin e njerëzve të shqetësuar. Aty kishte ardhur edhe një autoambulancë. Me tu afruar, kosovari pa fëmijën mbi ujë. "Liqeni nuk ishte ngrirë tërësisht dhe fëmija po qëndronte mbi një pllakë akulli në mes të liqenit. Askush nuk guxonte të hynte brenda sepse të gjithë po pritnin zjarrfikësit e njoftuar. Unë e shikoja nënën e fëmijës, e cila e shqetësuar po rrinte pranë bregut dhe vazhdimisht thërriste për ndihmë", rrëfen Krasniqi.

Ai vendos shpejt dhe i merr një palë shkallë të gjata në shtëpizën e teleferikut aty pranë. Njëkohësisht, bashkë me dhëndrrin, organizon disa burra të gjendur pranë për të mbajtur shkallën. Pastaj Hekurani e vendos shkallën nga bregu i liqenit deri te hapësira me akull, ku qëndronte fëmija trevjeçar. "Por problemi ishte se, me peshën e trupit tim unë po e shtypja gjithnjë më shumë pllakën e akullit, sa më shumë që i afrohesha". Për këtë arsye ai vendos shpejt të hidhet në ujë dhe të kapë fëmijën nga pllaka e akullit duke e sjellë atë në breg.

"Vogëlushin e mbaja me njërën dorë mbi kokën time në mënyrë që të mos lagej ndërsa me dorën tjetër notoja", tregon 38 vjeçari për gazetën gjermane "Südkurier". Pasi që nëpër ujin e akullt të liqenit, me fëmijën në krahë po ngjitej në breg, atë e shtrëngojnë dy krahë. Ishte nëna e stërlumtur dhe e mocionuar e trevjeçarit, zërin e dridhur të të cilës e ndjente në vesh duke i thënë "fë falemnderit".

Vogëlushi pastaj është transportuar menjëherë nga sanitarët e pranishëm për në spital bashkë me të ëmën. Hekuran Krasniqi u mbështoll me një batanije leshi dhe dhëndrri i tij e çoi me makinë në shtëpi. Prej aty edhe ai u dërgua në spital.

"Kisha marrë ftohje të thellë dhe mjeku më këshilloi që të pi shumë çaj të nxehtë", qeshet Krasniqi.

Ndërkohë, gjithçka i është kthyer normales dhe ai është i lumtur që vogëlushi nuk pësoi asgjë. "Unë vetë i kam dy fëmijë dhe mund ta përfytyroj se çfarë vuajtjesh hiqte nëna e vogëlushit duke parë të birin mbi pllakën e akullit, në liqe"./ albinfo/ http://www.zeri.info/
Princo
Princo
Komplet
Komplet
 <b>Gjinia</b> Gjinia : Male
<b>Shteti</b> Shteti : Ilirida
<b>Postime</b> Postime : 3887
<b>Hobi</b> Hobi : Leximin
 <b>Vendndodhja</b> Vendndodhja : Mbi Token e Zotit
<b>Anetaresuar</b> Anetaresuar : 26/03/2012

Shqiptari në Gjermani hidhet në ujin e akullt për të shpëtuar fëmijën e panjohur Empty Re: Shqiptari në Gjermani hidhet në ujin e akullt për të shpëtuar fëmijën e panjohur

Tue 4 Feb 2014 - 20:28
Bravo i qoft ky duhet te shpallet hero.... me gezojn keto veprime te njerzive qe rezikojn veten per te shpetuar te tjeret..
Mbrapsht në krye
Drejtat e ktij Forumit:
Ju nuk mund ti përgjigjeni temave të këtij forumi