Engjujt Shqipetare Forum/portal
Would you like to react to this message? Create an account in a few clicks or log in to continue.

Shko poshtë
Anabel
Anabel
Fondatore Forumi
Fondatore Forumi
 <b>Gjinia</b> Gjinia : Female
<b>Shteti</b> Shteti : Greece
<b>Postime</b> Postime : 88355
<b>Anetaresuar</b> Anetaresuar : 22/01/2010
http://www.engjujtshqiptare.com/

Nga çka frikësohen meshkujt e dashuruar? Empty Nga çka frikësohen meshkujt e dashuruar?

Mon 17 Feb 2014 - 2:03
Nga çka frikësohen meshkujt e dashuruar? Timthumb-300x198Në shikim të parë meshkujt janë të fuqishëm dhe të sigurt në vete, por ata në të vërtetë janë përplot ankthe, për shkak të të cilave shpesh nuk veprojnë ashtu si dëshirojnë dhe shpesh gabojnë. Zbuloni se si mund ta kuptoni më mirë partnerin tuaj.

- Frika nga ndjenjat: Meshkujt e dinë se dashuria është një ndjenjë e fortë që mund të okupojë jetën e tyre. E dinë se femra e cila do t’ua marrë zemrën do t’ua marrë edhe pjesën më të madhe të kohës së tyre.

Po ashtu e dinë se me hyrjen në lidhje të dashurisë ata u hapin dyert edhe vuajtjeve të ndryshme. Shumica kanë frikë nga ndjenjat e tilla, sepse nuk ndjehen të gatshëm. Djemtë kanë frikë të jenë të dashuruar, e sidomos tremben nga mendimi se mund ta humbin kokën pas ndonjë femre, edhe pse këtë kurrë nuk do ta pranojnë, madje as vetvetes. Nga kjo frikë edhe lind sjellja e tyre e pakuptueshme: ftohtësia, painteresimi, paaftësia për butësi etj.

- Këshilla: Bëhuni ndaj tij e sinqertë dhe përdorni sensin për humor. Krijoni në mes jush atmosferë relaksuese. Kështu ai më shpejt do të krijojë besim në ty dhe më në fund t’i lëshohet lidhjes.

- Frika nga shoqet tuaja: Tmerrësisht kanë frikë nga komentet e shoqeve tuaja. Kjo për ta është ankthi i parë! I tmerron mendimi se dikush i analizon dhe kjo nga thembra e deri në kokë: shoqja juaj më e mirë, motra jote. Ky është test që nuk është lehtë të kalohet, sepse shoqet tuaja, sikur edhe shokët e tij, ndonjëherë xhelozojnë. Këtë e dinë meshkujt.

- Këshilla: I thuaj se shoqet tuaja tërë kohën flasin se si ai është shumë i lezetshëm dhe i këndshëm. Kjo do ta lirojë pak dhe do t’ia kthejë vetëbesimin.

- Frika nga refuzimi: Sa më shumë që janë të dashuruar, aq më vështirë e kanë të bëjnë hapa të ardhshëm. Kjo veti e çuditshme lind nga frika e reagimeve të partneres. Ata nuk duan të dëgjojnë: “Jo faleminderit, nuk je interesant”.

- Këshilla: Vetëm me sinqeritet. Zgjidhje tjetër nuk keni. Ia bëni me dije se ju pëlqen dhe se me gjithë qejf do të ishe me të në lidhje. Është zgjidhje e vetme.

- Frika nga mendimet e shokëve: Meshkujt kanë frikë nga mendimet e shokëve të tyre sepse duan që të ruajnë imazhin e tyre të mirë në shoqëri. Ata vendimet e tyre më me rëndësi i sjellin nën ndikimin e të tjerëve. Kjo posaçërisht gjen shprehje kur është fjala për lidhjet e dashurisë. Nganjëherë meshkujt nga shoqëria janë xhelozë në njëri-tjetrin: për shkak të varësisë dhe frikës se mos do t’i humbin shokët, për shkak të “një femre’.

- Këshilla: Provoni të shoqëroheni me shokët e tij. Le të krijojnë bindje të mirë për ty. Nëse shokët e tij do të të pranojnë edhe ai do të ndjehet më mirë.

- Frika nga ndërrimi i personalitetit të tij: Shumë meshkuj mendojnë se fillimi i një lidhje dashurie do t’i privojë ata nga identiteti i tyre. Kjo është një frikë komplekse, e cila krijohet nga bindja e tyre se femra dëshiron të transformojë të dashurin në qenie pa pikë personaliteti. Për ta lidhja është burim i ndalesave dhe urdhrave.

- Këshilla: Le të ndjejë se është duke të pëlqyer ashtu çfarë është dhe i thuaj se nuk të pëlqejnë partnerët që e mërzisin njëri-tjetrin me kërkesa të tilla.

- Frika nga braktisja: Kjo frikë është e ngjashme me frikën nga vuajtjet. Në mesin e meshkujve është shumë e njohur frika nga ndjenjat e pakëndshme të vetmisë pas përfundimit të lidhjes së dashurisë. Kundër kësaj frike shpesh përdoren mekanizmat si “nëse jam vetëm, askush nuk mund të më braktisë e me këtë të më lëndojë”. Prandaj, mendojnë, se më mirë është të mos rrezikohet dhe se duhen kontrolluar ndjenjat. E të gjitha këto janë gabim. Meshkujt të cilët mendojnë kështu janë shumë të ndjeshëm dhe të dobët, nuk mund të ballafaqohen me vetminë, e të mos flasim që ta mundin atë. Ata nuk kanë besim në vete, gjithnjë janë pesimistë dhe mendojnë se nuk janë të gatshëm të ballafaqohen me asnjë situatë.

- Këshilla: Ngrohtësi, shoqëri dhe fuqi: të gjitha këto disi duhesh t’i bartësh në të. Duhet t’i tregosh se është i përsosur, sepse ai dhe afërsia e tij të plotësojnë.
Mirsa
Mirsa
Komplet
Komplet
 <b>Gjinia</b> Gjinia : Female
 <b>Mosha</b> Mosha : 32
<b>Postime</b> Postime : 137
<b>Anetaresuar</b> Anetaresuar : 03/07/2013

Nga çka frikësohen meshkujt e dashuruar? Empty Re: Nga çka frikësohen meshkujt e dashuruar?

Tue 4 Mar 2014 - 12:26
Se mos e humbin te dashuren .
Mbrapsht në krye
Drejtat e ktij Forumit:
Ju nuk mund ti përgjigjeni temave të këtij forumi