Miliarderi 81-vjeçar: Kim Kardashian e mërzitshme

Një miliarder 81-vjeçar e ka cilësuar si “të mërzitshme” Kim Kardashian. Mësohet se miliarderi pagoi 500 mijë dollarë që Kim Kardashian ta shoqëronte në një ballo të përvitshme në Vjenë.

Por edhe pse shuma ishte e madhe, Richard Lugner nuk mbeti aspak i kënaqur nga shoqëruesja e tij.

Ai e quajti 33-vjeçaren “si të mërzitshme” dhe një partnere “aspak të këndshme”.

Ndërsa, përfaqësuesit e Kim Kardashian apo edhe vetë ajo nuk kanë komentuar asgjë rreth kësaj mbrëmje bëjnë të ditur e përditshmja britanike, “Mail Online”.

Por, një burim tha për portalin amerikan “TMZ” se Kim ishte frikësuar prej miliarderit, i cili kishte shfaqur sjellje agresive dhe që kërkonte një “kontakt të tepruar trupor” me të.

Por siç e shohim dhe nga fotot Kim dukej e mrekullueshme dhe elegante me fustanin e saj, “Ralph Rucci” i koleksionit pranverë 2014. Balloja duket se do të jetë një eksperiencë për t’u harruar jo vetëm për Lugner, por edhe për Kardashian, e cila e mbylli mbrëmjen në mënyrë të parakohshme, në dukje për shkak të ofendimeve raciste të marra për bashkëshortin e saj Kanye West.

Kjo nuk është hera e parë që miliarderi paguan një bukuroshe të re për ta shoqëruar në evenimente të tilla. Në vitin 2009 ai shoqërohej nga Paris Hilton dhe në vitin 2011, Karima El-Mahroug.

/Shekulli Online/ E.L./