Zbulohet ilaçi kundër kancerit

Lufta kundër kancerit shkon një hap përpara pasi një ilaçi i ri ka pasur sukses në testin tek minjtë

Disa shkencëtarë pretendojnë se mund të kenë gjetur ilaçin kundër kancerit, një ilaç çudibërës që ka asgjësuar çdo tumor me të cilin ka rënë në kontakt.

Sipas revistës “Science Magazine”, ilaçi funksionin duke bllokuar proteinën CD47, e cila sinjalizon ngopjen në organizëm. Kjo proteinë ndodhet në sistemin tonë imunitar dhe prodhohet në qelizat e gjakut. Shkencëtarë nga Universiteti i Stanfordit gjetën se qelizat e kancerit kanë prodhuar një sasi të pamjafteshme nga kjo proteinë, duke bërë që sistemi imunitar të mos i shkatërrojë dot qelizat kanceroze.

Duke u nisur nga këto të dhëna, ata kanë ndërtuar një antitrup që ka bllokuar kancerin e CD47, duke nxitur sistemin imunitar t'i sulmojë qelizat e rrezikshme. Deri tani, shkencëtarët e kanë përdorur këtë antitrup tek kaviet dhe tek organet e njeriut të prekura nga kanceri, që janë transplantuar tek minjtë, siç janë truri, gjiri dhe prostata. Në secilin rast antitrupat i kanë detyruar sistemin imunitar që t'i asgjësojë qelizat e kancerit.

"Ne kemi treguar se edhe kur tumori ka filluar të shfaqet, antitrupi ose mund ta shërojë tumorin ose mund ta ndalë rritjen dhe të parandalojë metastazat", ka thënë biologu Irving Weissman nga Universiteti i Standfordit, në Palo Alto, të Kalifornisë.

Trajtimi ka pasur edhe një efekt anësor, pasi qelizat e shëndosha kanë qenë objekt sulmesh afatshkurta nga sistemi imunitar i minjve, por kjo nuk ka qenë asgjë në krahasim me dëmin që ua ka shkaktuar qelizave kanceroze. shekulli.