Share
Shko poshtë
avatar
Legjenda
Anetar i perjashtuar
Anetar i perjashtuar
 <b>Gjinia</b> Gjinia : Male
<b>Shteti</b> Shteti : Shqipëria
 <b>Mosha</b> Mosha : 35
<b>Postime</b> Postime : 5560
<b>Hobi</b> Hobi : FUTBOLL
 <b>Vendndodhja</b> Vendndodhja : ne vendi e dashur quhet tetova
<b>Anetaresuar</b> Anetaresuar : 19/02/2012

default Aktori John Voight, babai i Angelina Jolie tregon për lidhjet e familjes së tij me shqiptarët

prej Sat 19 Apr 2014 - 20:47
Aktori amerikan John Voight, ylli i kinematografisë hollivudiane, flet për bashkëpunimin e tij me aktorët shqiptarë, John dhe Jim Belushi.
Babai i aktores së mirënjohur Angelina Jolie, e cila ka ecur pikërisht në gjurmët e të atit, rrëfen si dhe uron pavarësinë e Kosovës si shteti më i ri i Evropës. “Jam i gëzuar për shqiptarët”, ka thënë aktori i njohur amerikan, Voight.
Aktori i njohur amerikan John Voight ka dhënë shumë për filmin botëror, një jetë të tërë, sidomos kinematografisë së viteve ’70.
Aktori John Voight, babai i Angelina Jolie tregon për lidhjet e familjes së tij me shqiptarët Timthumb-2_6158
Karriera e tij nis në mjuzikëllat e Broadway-t për të vazhduar në vitet ’60-të me serialet televizive, për të kaluar më pas me filmat e ekranit të madh dhe me rolet prej protagonisti.
Për herë të parë, aktori John Voight prononcohet për një media shqiptare.
Fituesi i çmimit “Oskar” në vitin 1978 si aktori më i mirë për filmin “Duke u kthyer në shtëpi”, por edhe i çmimit “Golden Globe” e “Palma e Artë” në po të njëjtën kategori, rrëfen për “Presheva Jonë” bashkëpunimet e tij me aktorët shqiptarë.
“Unë kam pasur fatin të njihem, por edhe të interpretoj me aktorë shqiptarë, me të cilët kam aktruar në filmin e Tom Cruis ‘Mission impossible’ të vitit 1996. Jam i mendimit se shqiptarët janë aktorë të shkëlqyer. Mjafton që të përmend emrin e aktorit të ndjerë, të madhit John Belushi, i cili u nda nga ne kolegët dhe ju shqiptarët në marsin e vitit 1982, pastaj vëllain e tij James Belushin, i cili vazhdon të jetë një aktor i suksesshëm”, tregon aktori John Voight.
“E di se ju shqiptarët keni humbur një aktor të jashtëzakonshëm, por ne kemi humbur një koleg dhe mik të madh. Por kjo nuk do të thotë se me të marrin fund aktorët e suksesshëm shqiptarë. Sot Shqipëria e Kosova ka shumë Belusha të tjerë”, shton babai i aktores hollivudiane Angelina Jolie.
Aktori John Voight duket i thjeshtë në komunikim, duke e bërë bisedën më të ngrohtë e më interesante. Sigurisht që i njeh shqiptarët, Shqipërinë e Kosovën, për shkak të aktorëve të njohur, kolegë të tij, James e John Belushi, por edhe për shkak të luftës së madhe të shqiptarëve të Kosovës për pavarësi.
“ Unë i njoh shumë mirë shqiptarët. E kush nuk i njeh shqiptarët, kush nuk e di se ku ndodhet Kosova? E di mirë dhe e njoh luftën e shqiptarëve liridashës për ta parë Kosovën të pavarur… Kosova sot ka fituar statusin të cilin e ka merituar. Jam i gëzuar kur sot në Kosovë shqiptarët dhe mbarë qytetarët e saj jetojnë në paqe dhe liri. I përgëzoj ata dhe uroj nga zemra pavarësinë e shtetit më të ri në Evropë”, thotë i qeshur ai duk më ofruar një foto të bijë së tij Angelina Jolie, e cila e kishte bërë kohë më parë në Prizrenin tonë të bukur.
Aktori John Voight, babai i Angelina Jolie tregon për lidhjet e familjes së tij me shqiptarët Ee3f6fbfaf033ed79127938fd6db6e0c_7107
John Voight, ky aktor i suksesshëm në vitet ‘70, më pas do ta humbiste shkëlqimin e dikurshëm. I prezantuar në historinë e kinematografisë si një prej yjeve të para antikonformiste, u transformua më pas në një aktor pre e teprimeve të tij. Të duket sikur në historinë e kinemasë ka dy John Voight: i pari është një nga ata aktorët e rrallë, të bukure të talentuar të gjeneratës së re të viteve ’70 në Amerikë dhe i dyti, gati i panjohur pas një heshtjeje nisi të shfaqet sërish, edhe pse më rrallë në filmat e fillimviteve ’90. John Voight është më shumë i njohur për publikun shqiptar me filmin “Kampioni”.
Emri i tij i vërtetë është Jonathan Vincent. Ai ka lindur më 29 dhjetor 1938. Është aktor, regjisor dhe producent i kinematografisë amerikane. Në vitin 1973 lidh kurorë për herë të dytë me Marcheline Bertrand, me të cilën ka edhe dy fëmijë që do të ndjekin gjurmët e tij në botën e kinemasë: James Haven dhe Angelina Jolie. Për një periudhë të gjatë kohe, Voight nuk ka komunikuar me të bijën, Jolie, pasi ajo e fajësonte për tradhtitë jashtëmartesore dhe vuajtjet që i ka shkaktuar të ëmës.
Aktori John Voight, babai i Angelina Jolie tregon për lidhjet e familjes së tij me shqiptarët Timthumb-1_6718


Ti Shqipëri më jep nder,më jep emrin shqipëtar - Naim Frashëri Respekto te tjeret, ashtu si deshiron te jesh i respektuar!
Mbrapsht në krye
Drejtat e ktij Forumit:
Ju nuk mund ti përgjigjeni temave të këtij forumi