Destinacionet e turizmit për 2015-ën, revista britanike liston Shqipërinë

Revista britanike “Wanderlust” ka listuar dhjetë ndër destinacionet më të mira për të kaluar pushimet për vitin 2015, në mesin e të cilëve ndodhet edhe Shqipëria.

Në një artikull me titull “The hot list: Where to travel in 2015”, revista liston edhe Ballkanin Perëndimor si një ndër destiancionet që s’duhet lënë pa vizituar.

Më konkretisht, janë vetëm tre vende të Ballkanit që përmenden në këtë listë turistike, Kosova, Maqedonia dhe Shqipëria.

Shqipëria përshkruhet si një vend shumë mikpritës, me bukuri të virgjër e të pazbuluar në Ballkanin Perëndimor ku duhet të udhëtoni për vitin 2015.

Kryeredaktorja e revistës britanike vizitoi Shqipërinë, Kosovën dhe Maqedoninë në vitin 2014. Ajo u mahnit nga mikpritja e ngrohtë dhe bukuritë natyrore të këtyre vendeve.

Revista shkruan se në këtë vend do të gjeni kuzhinë të mirë lokale me çmime të ulëta, qytete të lashta prej guri si Berati dhe Gjirokastra.

“Nëse vlerësoni bukuritë autentike e të virgjëra, atëherë jeni në vendin e duhur”, përfundon shkrimin e saj revista prestigjioze.

Destinacionet e tjera që sugjeron kjo revistë për turizëm për vitin që sapo ka hyrë, janë Nikaragua, Etiopia, Kanazawa në Japoni, Essaouira në Marok, Andora, Patagonia midis Argjentinës dhe Kilit, Holanda, Haiti dhe në fund fare Athina.

/Shekulli Online/E.G./

Mbase na i qan hallet turizmi, se qeveria ka buzeqeshje te bukur!