Burri niset për udhëtim në avion, gruaja xheloze lajmëron për bombë

Një grua xheloze njoftoi policinë se femra që udhëtonte me bashkëshortin e saj në një avion që fluturonte nga Heathroë Airport kishte ndërmend të hidhte në erë gjithçka madje kishte patur gisht në atentatet e mëparshme. 42 vjeçarja Salma Nasic i tha policisë që të kapnin femrën me emrin Camille, e cila po tentonte të kalonte drejt avionit me eksploziv. Nasir, burri i së cilës kishte marrë një grua të dytë, diçka e lejuar nga ligjet islamike, telefonoi policinë pasi gjeti në shtëpi biletat me emrat e gruas së dytë. Nëna e katër fëmijëve dëshmoi se kishte marrë telefonata nga persona anonim që i kishin dhënë këtë informacion. Prokurori Jim Davis tha se “ajo femër kërkonte të shkaktonte një problem. Krijoi një situatë të paqenë për shkak se bashkëshorti i saj kishte planifikuar një udhëtim me gruan e dytë”. Gjykata e detyroi gruan të paguante 965 paund për këtë denoncim të rremë ndërsa verifikimi i telefonatës ishte bërë menjëherë pa patur nevojë për shtyrje udhëtimi në avionin e asaj linje.

Kjo po qënka speciale...