Bruksel, sot priten marrëveshjet e para Kosovë-Serbi

Zyrtarët evropianë nuk presin që sot të arrihet marrëveshje për të gjashtë çështjet e diskutuara deri më tani në bisedimet Kosovë-Serbi, por janë optimistë se marrëveshjet për gjitha pikat të arrihen para pushimeve të verës.
Në Bruksel po mbahet raundi i ri i bisedimeve mes Kosovës dhe Serbisë, ku pritet që të arrihen edhe marrëveshjet e para konkrete. Zyrtarët evropian nuk presin që sot të arrihet marrëveshje për të gjashtë çështjet e diskutuara deri më tash, por janë optimist se marrëveshjet për gjitha pikat të arrihen para pushimeve të verës.
Këshilltari politik i kryenegociatores Tahiri, Visar Xani, tha për Radio Kosovën, se pret që në këtë raund të përmbyllen marrëveshjet: për lirinë e lëvizjes, tregtinë e lirë, telekomunikacionin, energjinë, dokumentet kadastralë dhe ata civilë. Kosova nuk pranon hapjen e temave tjera, para se të arrihet pajtimi për këto çështje që tashmë janë diskutuar, tha Xani.