Vlorë, homazhe për gjyqtarin, Gjika: Vrasja, goditje për qytetin e drejtësinë

Sat 10 Sep 2011 - 13:13

Në teatrin e qytetit të Vlorës “Petro Marko” u zhvilluan sothomazhet në nder të gjyqtarit të ndjerë Skerdilajd Konomi i cili mbeti viktimë e një atentati me ekspoziv një ditë më parë në qytetin bregdetar.Në homazhe marrin pjesë zyrtarë të lartë të pushtetit qëndror, deputetë të dy kaheve politike, drejtues te pushtetit lokal, si dhe qindra qytetarë, miq e të afërm të gjyqtarit.Nenkryetari i Këshillit të Lartë të Drejtësisë Kreshnik Spahiu deklaroi pas homazheve se duhet të garantohet jeta e gjyqtarëve dhe se ekzekutimi i Konomit, ishte një krim mafioz.Kryetari i Bashkisë së Vlorës Shpëtim Gjika e konsideroi vrasjen e gjyqtarit si një goditje të rëndë jo vetëm për familjen, por edhe për qytetin dhe për drejtësinë shqiptare.