Hebrenjtë bëhen me fe zyrtare në Shqipëri

Shteti shqiptar zyrtarizon fenë hebreje duke e bere komunitetin e peste pas atij mysliman, ortodoks, katolik dhe bektashian. Përfaqësia hebreje ne Shqipëri tashme do te ketë vendet e kultit qe ndryshe njihen si sinagoga. Kreu i komunitetit fetar te hebrenjve ne Shqipëri është Rabini Joel Kaplan i cili është prezantuar nga kryerabini Izraelit Jona Meceger.
“Jam shume i kënaqur qe ndodhem ne Shqipëri dhe qe u jap këtë lajm hebrenjve qe jetojnë këtu. Ky është një moment historik. Se shpejti do te marrim hapa te rëndësishëm për komunitetin tone këtu. Përveç sinagogave, duam te ngremë një qendër për popullsinë hebreje ne Shqipëri si dhe te krijojmë varrezat e hebrenjve,” ka thene Jona Metzeger, kryerabini i Izraelit. Përveç regjistrimit ne komunitetin e kulteve si feja e peste ne Shqipëri, krerët me te larte te komunitetit hebre ne Izrael janë takuar me presidentin Bamir Topi dhe kryeministrin Sali Berisha.
Krerët e shtetit dhe qeverise kane shprehur mbështetjen e tyre për komunitetin hebre duke vene ne dukje se shqiptaret janë popullsi me tolerance fetare. Ndërsa kryerabini vlerësoi mbështeten e kahershme te shqiptareve qe nga periudha e holokaustit e deri ne ditët e sotme.