Sabri Fejzullahu “vdes” për Emina Çunmulajn

Këngëtari i njohur kosovar, Sabri Fejzullahu, ka thënë së fundmi se, sipas tij, femra më e bukur shqiptare është modelja e njohur Emina Çunmulaj.

Edhe pse i takon brezit të vjetër të këngëtarëve, 64-vjeçari është e qartë se i ndjek me interes dhe nga afër zhvillimet e artit dhe të modës në trojet shqiptare, ndërkohë që është shumë aktiv sa i takon muzikës.

Ai nuk e tregon fare moshën që ka, falë tipit sportiv dhe të qeshur, por e ndihmon shumë në këtë aspekt edhe pamja e jashtme, për të cilën Sabriu shprehet se kujdeset e shoqja. “Më pëlqen më shumë nga të gjitha firmat Hugo Boss”, – thotë ai, ndërsa i pyetur se cila është femra më e bukur shqiptare, është shprehur në mënyrë telegrafike “Emina Çunmulaj”.

Me origjinë nga shqiptarët e Malit të Zi, Emina jeton në Amerikë, ndërsa është modelja më e njohur shqiptare në botë dhe këtë e dëshmon jo vetëm puna nëpër pasarela dhe fotosesione të ndryshme, por edhe fakti që ka qenë fytyra në kopertinë për disa revista të famshme, si “Elle”, Vogue”, “Marie Claire” etj. Sabri, kujdes se mos të bëhet xheloze gruaja…