Nuk respektohet gjuha shqipe në Maqedoni

Strugë, (Maqedoni) 22 dhjetor 2011, NOA - Byroja për Zhvillim Rajonal – Qendra për Zhvillim të rajonit planor jug-perëndimor nuk respekton gjuhën shqipe.

Njoftimi i kësaj qendre për mediat dhe ftesat e programi i dërguar për pjesëmarrësit ka anashkaluar përdorimin e gjuhës shqipe, dhe kjo ndodhë me rastin e vizitës së ministrit të Pushtetit Lokal, Nevzat Bejta sot në Strugë.

Mediat shqiptare kanë reaguar lidhur me mospërdorimin e gjuhës shqipe në materialet informative dhe se ato kanë paralajmëruar se këtë shqetësim do t`ia përcjellin edhe ministrit Bejta.

Ministri Nevzat Bejta sot gjatë qëndrimit në Strugë do të marrë pjesë në ceremoninë e ranim-dorëzimin simbolik të 402 kontejnerëve për mbeturina në kuadër të një projekti për komunat. Në komunën e Strugës, gjuha shqipe është zyrtare dhe institucionet e të gjitha niveleve obligon për të respektuar përdorimin e gjuhës shqipe.

NOA/INA

Kjo nuk eshte hera e pare qe ndodhe kjo,andaj nuk jemi te befasuar me kete edhe pse ne marrveshje e Ohrit eshte njera nder pikat qe duhet respektohet,prap se prap kjo gje ndodhe,jetojme ne nje shtet kur ata e konsiderojne qe eshte i tyre edhe pse po te behet ndarja e Maqedonise ajo nuk mbetet asnje qytet e lere me te themi nje shtet,kote me duket ajo qe kane luftuar populli shqiptare per te drejtat e tyre,per kete gjehu qe kane kerkuar te flasin dhe te njihet si gjuhe e dyte zyrtare po ja qe se kjo po shihet vetem si nje deshitm.