I jep gji bebes ... edhe në Facebook

Vankuver, 12 janar, NOA - Mijëra femra e kanë mbështetur një faqe Facebook-u që një nënë nga Vankuveri i Kanadasë ka hapur duke dashur të tregojë fotot e ushqyerjes me gji të bebes së saj të vogël. Ema Kvasnica, e shoqatës “Qumësht njerëzor, për Bebe njerëzore”, e mbështeti këtë faqe, së bashku me mjaft gra të tjera.Ajo pretendon se është duke mbrojtur një të drejtë ligjore, siç është ajo e ushqyerjes me gji të fëmijës së sapolindur, që sipas saj, për një grua është e lejuar që të jetë e tillë në çdo vend të botës. “Pse duhet të jetë një gjë e ndryshme në Facebook? Kjo nuk ka kuptim", pohon ajo. Ajo thotë se gruaja që nxori fotot e saj duke i dhënë gji fëmijës, mori falje lidhur me akuzat që iu bënë për lakuriqësi.

“Ajo nuk është aspak pornografi, një nënë që i jep gji fëmijës së saj, nuk është aspak e zhveshur. Ajo vetëm duhet të pranohet se është një pjesë e jetës së një fëmije të vogël”.

e.t/NOA