Joachim Gauck, president i ri i Gjermanisë

President i ri i Gjermanisë do të jetë ish-disidenti gjermano-lindor dhe luftëtari për të drejtat e njerit Joachim Gauck, njoftoi sonte kryeministrja Angela Merkel, pas konsultimeve që i zhvilloi gjatë tërë ditës me partnerët e koalicionit në qeveri dhe me përfaqësuesit e opozitës.

Për këtë funksion Gauckun e propozuan partitë opozitare, Socialdemokratja dhe të Gjebrit, por Merkel nuk deshi të pajtohej me këtë. Mirëpo, kur kandidatin e mbështeti edhe partia e Demokratëve të Lirë, partia më e vogël në koalicionin qeveritar, Merkel lëshoi pe dhe pranoi këtë propozim, transmeton agjencia gjermane e lajmeve DPA.

Gauck, 72 vjeçar, fitoi respekt të madh pasi kishte ruajtur dokumentacionin e policisë sekrete gjermano-lindore Stasi, kurse para dy vjetësh ishte kundërkandidat i presidentit të dorëhequr Wolf.

Në funksionin e presidentit Gauck do të zgjidhet zyrtarisht muajin e ardhshëm, kur do të caktohet mbledhja e jashtëzakonshme e Budenstagut.