Grabitet muzeu i Olimpit

Muzeu antik i Olimpit në Greqi u grabit mëngjesin e së premtes nga persona të armatosur, bënë të ditur burimet zyrtare. Disa dhjetëra vepra mijëravjeçare, me vlerë të jashtëzakonshme kulturore, janë tashmë në duar të personave të paidentifikuar. Në tregun e zi, veprat mund të shiten për miliona euro. Olimpi është vendi ku kanë lindur Lojërat Olimpike. Një zëdhënës i policisë pranoi se “vepra me vlerë të pallogaritshme” janë vjedhur, por nuk dha detaje të tjera. Ministri i Kulturës, Pavlos Geroulanos ka paraqitur dorëheqjen e tij, informoi televizioni shtetëror. Dy meshkuj të armatosur hynë në muze pa vështirësi, duke ndeshur vetëm në qëndresën e dobët të rojes së vetme të muzeut, një grua. Shumica e kryeveprave të grabitura janë statuja bronzi apo qeramike. Olimpia e vjetër, në Greqinë Perëndimore, konsiderohet si një prej qendrave më të rëndësishme kulturore të vendit.

Duan ti shkulin e rrenjet

Ky veprim bie ndesh me kulturen edhe ato vepra jane mekat te grabiten.