Politikanët kosovarë me pasaporta serbe

Serbë të Kufcës së Epërme, fshat ky që me procesin e decentralizmit i takon Komunës së Artanës, kanë protestuar në fshatin e tyre për, siç thanë ata, arrestimin e gjashtë serbëve të Anamoravës.

Para protestuesve, anëtarë të familjeve të të arrestuarve kanë folur për gjoja brutalitetin dhe maltretimin e treguar nga forcat e njësisë speciale të Policisë së Kosovës.

Deputetet e Listës së Përbashkët në Kuvendin e Kosovës, Rada Trajkoviq dhe Vesna Mikiq, kanë gjykuar siç thanë, përdorimin e tepërt të dhunës dhe i kanë ftuar serbët që të jenë të bashkuar.

Mikiq ka thënë se gjatë këtyre 12 vjetëve të fundit, Drejtoria Policore në Gjilan, me seli në Vranjë, u ka dhënë shqiptarëve rreth 10 mijë dokumente dhe sipas saj, në mesin e tyre ka edhe politikanë me nam, prandaj edhe ka pyetur, se a duhet që edhe ata të arrestohen?

Ajo ka thënë se nuk do të heshtë dhe se pikërisht në Kuvendin e Kosovës, më 1 mars do ta bëjë publike këtë, transmeton Zëri.