Publikimi i Wikileaks, Bild hedh poshtë akuzat për shqiptarët

SUEDI- Ministri i jashtëm suedez, Carl Bildt, i ka cilësuar spekulime dhe gënjeshtra publikimet e fundit të Wikileaks, ku citohej se ky i fundit urrente shqiptarët dhe kroatët.

Gazeta e njohur suedeze “Expressen” dhe televizioni suedez SVT kanë dhënë lajme ekskluzive, duke u bazuar në të dhënat e Ëikileaks, i cili ka vendosur t’i publikojë disa e-mail të ministrit të jashtëm suedez, Carl Bildt.

Sipas Wikileaks, Bildt qenka i preferuari i SHBA-ve, por edhe se diplomati suedez “i urren kroatët dhe shqiptarët”.

“Mes ambicieve për ta kthyer Suedinë në një ‘fuqi botërore’, ai ka shprehur mos pëlqimin për kryeministrin rus, Vladimir Putin dhe gjatë punës së tij në Ballkan, ka ardhur në përfundimin se ai ‘nuk i pëlqen shqiptarët dhe kroatët’, shkruante Wiklieaks.

Sipas agjencisë Presheva Jonë, Bild citohet të këtë thënë se, pulikimet e Wikileaks janë thashetheme.

"Për atë nëse i dua apo jo shqiptarët flet puna dhe angazhimi im në rajon. Prandaj, nuk dua të merrem me këto spekulime, pas të cilave qëndron Wikileaks i Assange, që i prinë një fushate ndërkombëtare për diskreditimin jo vetëm të emrit tim por edhe kundër Suedisë”.
(ma.ar/BalkanWeb)