Zgjedhje parlamentare në Greqi, më 15 prill

- Zgjedhjet e parakohshme parlamentare në Greqi do të mbahen menjëherë pas Pashkëve ortodokse, më 15 prill, deklaroi shefi i partisë konservatore Demokracia e Re, Antonis Samaras, partia e të cilit është në koalicionin udhëheqës. “Qëllimet që i kemi caktuar për pesë muajt e ardhshëm janë plotësuar”, ka thënë ai, duke aluduar ndaj marrëveshjes së arritur me kreditorët privatë, sipas së cilës, ata ia kanë shlyer Greqisë borxhin prej më shumë se 100 miliardë euro, me çka u parandalua falimentimi i vendit. Zgjedhje do të ketë edhe partia PASOK, ngase lideri i saj i deritanishëm, Georges Papandreou, ka dhënë dorëheqje. “Mendoj që për mua ka ardhur momenti të vazhdoj betejën time në një post tjetër”, tha Papandreou.