Berisha do të qetësojë situatën në Maqedoni

Kryeministri i Shqipërisë Sali Berisha do të marrë mbi supe obligimin për të qetësuar situatën në Maqedoni, njoftojnë për gazetën Lajm të Shkupi burime qeveritare nga Tirana. Sipas tyre, shqetësimet e Tiranës zyrtare për situatën në Maqedoni kanë arritur kulmin dhe kjo ka detyruar kryeministrin shqiptar të kyçet drejtpërdrejtë në qetësimin e gjakrave, posaçërisht përmes ndikimit te kampi politik shqiptar në vend.