ÇELAJ NË KRYE TË QEVERISË NË HIJE PËR PRISHTINËN?

Partia Demokratike e Kosovës ka vendosur që të krijojë Kabinetin për Qeverisje të Mirë për Komunën e Prishtinës. Ndërsa, në krye të këtij kabineti pritet të jetë Lirak Çelaj.

Shefi i Grupit të Këshilltarëve të PDK-së në Komunën e Prishtinës, Shemsi Veseli, duke e bërë të ditur edhe qëllimin e formimit të këtij kabineti, ka thënë se emri i Lirak Çelajt është vetëm propozim i Kryesisë së kësaj partie, por vendimi mbetet në duart e nivelit qendror, transmeton gazeta “Lajm”, transmeton telegrafi.

“Gjatë mbledhjes së Kryesisë kemi propozuar Lirak Çelajn, që të vihet në krye të Kabinetit për Qeverisje të Mirë, megjithatë ky mbetet vetëm propozim, pasi vendimin përfundimtar për këtë çështje do ta marrë niveli qendror”, ka thënë Veseli.