Ju që më tallnit në shkollë, keni inat tani?

Modelja e Victoria’s Secret, Candice Swanepoel, ka zbuluar se kur ishte në shkollë e tallnin për pamjen e sj.

Por 23- vjeçarja thotë se modelingu ka qenë hakmarrja perfekte për këto tallje.

Ndërsa ka pozuar me të brendshme për GQ, ajo ka treguar se ndjehej si një e huaj ndërsa rritej në Afrikën e Jugut, derisa u zbulua në një treg mallrash të përdorur në Durban, në moshën 15 vjeçare.

“Një vit përpara se të zbulohesha, shihja shumë Fashion TV. Në shkollë më tallnin sepse isha shumë e dobët dhe kisha një çehre të çuditshme. Por vajzat në TV dukeshin si unë. I thashë mamasë: Vajzat në shkollë më tallin, por unë dukem krejt si këto në TV. Një vit më vonë dikush më mori në agjenci dhe kjo është e gjitha”, tha ajo.

“Hakmarrja është… e di që duket e tmerrshme, por ndjehesh mirë kur ua tregon këtyre njerëzve. Kam punuar shumë në fakt dhe ja ku jam tani”.