Publikohen fotot e marsit ’92, të italianit Ruggiero

Në Ministrinë e Turizmit, Kulturës, Rinisë dhe Sporteve u hap ekspozita fotografike '...pas dimrit të gjatë 22 mars 1992" e gazetarit dhe fotografit të njohur Italian Giovanni Ruggiero. Ai shprehet se hera e parë që ka ardhur në vendin tonë ka qenë para 20 vitesh si korrespodent i një gazete italiane, raporton noa.al.

“Për 20 vjet i kam dedikuar buzëqeshje dhe shumë fjalë dashurie Shqipërisë në artikujt e mi. Unë kam qenë pjesë e historisë suaj në këta 20 vite dhe kam festuar me ju”, tha ndër të tjera Giovanni Ruggero.

Ndërsa Ministri Bumçi vlerësoi punën dhe kontributin e sjellë nga Ruggiero në dokumentimin e ndryshimeve historike të vendin tonë i cili sapo kishte dalë nga një izolim i gjatë dhe tejet i vështirë. Ajo që ne përjetojmë sot është ndjesia e lidhjes tepër të ngushtë mes dy vendeve tona, Shqipërisë dhe Italisë, dhe pikërisht një shembull si ky që shpalos z. Ruggero është një hap më shumë në përafrimin shpirtëror dhe kulturor mes dy vendeve tona.

Nëpërmjet këtyre fotove, tha ministri Bumçi rivjen në kujtesën tonë me nota tepër të gjalla atmosfera tejet e vështirë e periudhës së parë të ndryshimeve demokratike, por në të njëjtën kohë aty shfaqet qartë edhe shpresa e madhe e shqiptarëve që lindi bashkë me ardhjen e demokracisë.

Në këtë ekspozitë u paraqitën 26 foto të përzgjedhura nga koleksioni i pasur i z. Giovanni Ruggero.

e.t/noa.al

vetem mostra sali berisha ka ngelur nga ajo levizje studentore ........