Çfarë fjalësh duhet t'u themi të posamartuarve, për t'i uruar për martesë?

Wed 11 Apr 2012 - 21:55

Çfarë fjalësh duhet t'u themi të posamartuarve, për t'i uruar për martesë?

Pyetje: Çfarë fjalësh duhet t'u themi të posamartuarve, për t'i uruar për martesë?

Përgjigje: Të posamartuarve nuk lejohet t'u themi ''Paçi lumturi dhe u trashëgofshi'', ngase ky është prej urimeve të injorancës.

Transmetohet nga Husejni se Akil Ibn Ebi Talibi, u martua me një grua nga fisi Xheshem. Njerëzit hynin tek ai dhe i thonin: Paçi lumturi dhe u trashëgofshi.

Akil Ibn Ebi Talibi, ju tha: ''Mos veproni kështu, sepse i Dërguari i Allahut, salallahu alejhi ue selem, e ka ndaluar këtë.
Po çfarë të themi o Ebu Zejd, e pyetën. Ai u përgjigj: Thoni: BarekAll-llahu lekum ue barek alejkum (Allahu ju bekoftë dhe dhashtë mbi ju bereqet). Vërtetë, kështu jemi urdhëruar.'' (Transmeton Ibn Ebu Shejbeh, Nesaiu dhe Ibn Maxhe).

Shejh Ibn Kajjim El Xheuzi, Allahu e mëshiroftë në librin e tij ''Zadul Mead'', ka thënë se i Dërguari, salallahu alejhi ue selem atij i cili martohej i thoshte: ''BarekAll-llahu lekum ue barekAll-llahu alejkum, ue xheme'a bejnekuma fi hajrin.'' (Transmetojnë Ebu Davudi, nr.2130, Tirmidhiu, nr.1091, Ibn Maxhe, nr.1905, Ahmedi, nr.2/281. Tirmidhiu ka thënë se hadithi është hasen sahih).