Meda duet me Genta

Wed 5 May 2010 - 13:51

Kënga “Verë e nxehtë”, kënduar nga Meda, Tuna dhe Geti, ishte vetëm një risi për albumin e Medës. Gjërat e reja nuk do të mungojnë edhe në albumin e radhës, për të cilin Meda veç ia ka filluar punës.

Për të pasur të sigurt plasmanin në treg, menaxheri i Medës ka arritur të sigurojë një duet të ri me këngëtaren Genta Ismajli. Ashtu siç flitet, Genta është zgjedhur si këngëtarja e duhur për t’i garantuar edhe një vit të suksesshëm Medës.
Mësohet se dueti ndërmjet Medës dhe Gentës do të jetë kënga më e pëlqyer e sezonit veror. Kënga është porositur dhe pritet që gjatë muajit qershor të jetë e gatshme për transmetim, ndërsa kjo këngë, po ashtu do të jetë pjesë e albumit më të ri të Medës.
Ky duet do të jetë një tjetër bashkëpunim për Gentën, pas këngës “Sexy” që e kishte në duet me këngëtarin turk.