Shimja me biberon e refuzuar nga e ëma i prezantohet publikut

Një majmun i vogël i racës Bonobo i refuzuar nga e ëma e tij ka fituar vëmendjen e veterinereve në kopshtin zoologjik në Frankfurt, ndërsa dje u paraqit për herë të parë në publik.

I vogli Sambo, ky është emri i tij, merr ende qumesht me biberon tamam si një fëmijë. Andrea Knott është personi që po kujdeset për të, e cila është gruaja e rojes së kopshtit gjerman Carsten Knottt.

E ëma Zomi e kishte refuzuar sapo e kishte lindur sepse nuk kishte mjaftueshëm qumesht për ta ushqyer. Tani shpresohet që majmuni i vogël të vendoset me të tjerët por sa kohë nuk shkëputet nga biberoni mund të krijojë probleme.

Shimja është quajtur Sambo, që do të thotë në gjuhen linagale një ndër katër gjuhet që flitet në Kongo, ‘shtatë’ pasi shimja ka lindur me 7 Janar. Majmunët Bonobo që jetojnë në pellgun e Kongos janë të kërcenuara me zhdukje.