Kanë votuar vetëm 62,47% e grekëve

ATHINË – Sipas agjencisë italiane të lajmeve ANSA, ky është një abstenim rekord popullor, megjithë momentin e ashpër që po kalon vendi. Sipas llogaritjes së skedave të votimit, praktikisht të mbyllura, 99,95% e skedave japin këtë të dhënë nga zgjedhjet politike në Greqi. Kanë votuar vetëm 62,47% e njerëzve me të drejtë vote, që do të thotë mbi 37% të grekëve i braktisën votimet, edhe duke qenë në një çast tepër të vështirë për të ardhmen e vendit.

Sipas këtyre të dhënave përfundimtare të Ministrisë së Brendshme, Demokracia e Re ka 29,66 % të votave dhe 129 vende deputetësh, Syriza 26,89 për qind dhe 71 vende, Pasok 12,28% me 33 vende. /M.A/