New York: Aksidentohet reperi 50 Cent

New York, 26 qershor – Reperi me famë botërore 50 Cent ka pësuar një aksident paraditen e së martës në autostradën e ‘Long Island’ në New York. Zëdhënësi i reperti bëri të ditur se “50 Cent tani është mirë dhe ka dalë nga spitali. Fatmirësisht ai shpëtoi me disa plagë në qafë”, transmeton BW.

TMZ theksoi se plagët e reperit u shkaktuan pasi automjeti i tij u përplas me një kamion.

50 Cent, emri i vërtetë i të cilit është Curtis Jackson u dërgua menjëherë në spital dhe pas mjekimit doli nga spitali.(koha)

Nëse jeni fansa të Rapper 50 Cent lajmet për të nuk janë të mira, pasi ai është aksidentuar mëngjesin e sotëm në Nju Jork. Sipas mediave, makina e tij fuoristradë u përplas me një kamion Mack, ku kamioni për pak sa nuk e ktheu përmbys fuoristradën e blinduar. Këngëtari është dërguar me urgjencë në spital dhe mësohet se ka marrë plagë në pjesën e qafës dhe në shpinë. Sipas burimeve, Rapper-i 50 Cent është jashtë rrezikut dhe është akoma nën kujdesin e mjekëve./alb-observer.com/