Mbaroi studimet në kohë rekord, universiteti padit të riun

Një student brilant është paditur nga univeristeti ku studionte pasi arriti të diplomohej dhe të merrte edhe masterin vetëm për 3 semestra. Bëhet fjalë për gjermanin Marcel Pohl, 22 vjeç, i cili studioi në shkollën e lartë për ekonomi dhe menaxhim në Univeristetin e Essenit dhe arriti të marrë 60 provime për 20 muaj me nota të shkëlqyera. Por në vend që të marrë vlerësim dhe nderim, ndaj tij u ngrit një padi nga Universiteti në fjalë dhe shkaku ishte koha e shkurtër dhe lekët e pakta që kishte paguar. Sipas padisë ai mbaroi diplomën dhe masterin në 3 semestra, ndërkohë që koha e studimit duhej të ishte 11 semestra ndaj duhet të paguante edhe një pjesë të tarifave të shkollimit. Edhe pse Pohl është eksmatrikuluar zyrtarisht në gusht të vitit të shkuar, Universiteti i kërkon që të paguajë tarifat deri në fund të vitit, rreth 3 mijë euro.
Pra kur bëhet fjalë për financat e univeristetit, studentët e shkëlqyer edhe mund të paditen duke marrë një leksion të fundit…/albobserver.com/