Itali: Referendum për të dalë nga Eurozona?

Një nismë të veçantë ka marrë partia e Legas në Itali. Sipas një njoftimi të bërë publik nga sekretari i partisë, Roberto Maroni, po mbledhin firma, me qëllim që të organizohet një referendum kundër euros, citon gazeta “La Republicca”.

Sipas Maronit, “nuk bëhet fjalë për një nismë ikonike, nga momenti që partia ka si qëllim të mbledh miliona firma. Vetëm kështu, italianët do të shprehin mendimin e tyre nëse duan që vendi të qëndrojë apo jo në Eurozonë”.

Qëllimi i përgjithshëm, sipas sekretarit të ri të Legas, është që “të bëhen referendume të ngjashme edhe në vende të tjera të eurozonës, para zgjedhjeve evropiane të vitit 2014”.

Nëse përgjigjja e italianëve do të jetë pro daljes nga Eurozona, sipas Maronit do të duhej të krijohej një Eurozonë e re, që të përfshinte vetëm të pasurit, krahinat veriore të Italisë dhe jo pjesën tjetër të vendit. /alb-observer.com/