Masakër kulturore në Korcë, shembet shtëpia muze e patriotit Themistokli Gërmenji

Një masakër kulturore ka ndodhur mbrëmjen e djeshme në Korcë kur persona që pretendojnë pronësinë e godinës ku Gërmenji e shpalli Korçën krahinë autonome, e kanë shembur atë me mjete të rënda. Kjo shtëpi muze e patriotit Themistokli Gërmenji është shpallur monument kulture në vitin 2010 ndërsa së fundmi është bërë objekt i një konflikti pronësie mes 2 familjeve.
Me tu marr vesh lajmi, ka reaguar menjëherë kryetari i Bashkisë së Korcës, Niko Peleshi i cili theksoi se autorët duhen ndëshkuar.“Kam njoftuar institucionet përgjegjëse dhe i bëj thirrje policisë të hetojë dhe kapë përgjegjësit e kryerjes së këtij ati të rëndë”, u shpreh Peleshi.
Ky është i dyti skandal kulturor që ndodh në Korcë brenda pak kohësh. Pak kohë më parë në Galerinë e Arteve të qytetit të Korçës u vu re se mungonin rreth 60 piktura, 30 prej të cilave ishin të piktorit Vangjush Mio./alb-observer.com/