Francezët kundër statujës së goditjes së Zizusë

Në shtator u njoftua përfundimi i veprës që “përjetësonte” goditjen me kokë të Zinedine Zidane ndaj Marco Materazzit në finalen e botërorit të Gjermanisë në vitin 2006.

Por një muaj më vonë, parizienët kërkojnë heqjen e saj nga qendra e qytetit të tyre.

Krerët e disa klubeve futbollit diletantësh dhe klube të rinjsh i kanë dërguar një letër kampionit francez, Zinedine Zidane që të ngrejë një padi ndaj veprës.
Sipas tyre, vepra e derdhur në bronz e autorit algjerian Adel Abdessemed fyen futbollin francez dhe jep një shembull të keq për të rinjtë që kanë idhull Zizunë. Përvec kësaj, thonë ata, nuk mund të përjetësohen 10 sekonda “çmenduri” të karrierës së Zidane dhe të hidhen poshtë vite të tëra që ai magjepsi me lojën e tij.