Lutje për myslimanët e Sirisë dhe Birmanisë

Rreth katër milionë pelegrinë nga e gjithë bota kanë falur sot
xhumanë në Qabe. Haxhinjtë lutjet e tyre i drejtuan tek ndërpritja e
gjakderdhjes në Siri dhe zgjidhja e problemit të myslimanëve në Birmani.
Trafiku,
rrugët dhe sheshet e Mekës janë bllokuar që natën e kaluar. Haxhinjtë
kanë vërshuar qytetin. Secili është përpjekur për të marrë një pozicion
sa më afër Qabesë, para shkuarjes në Arafat, që është pjesë e riteve të
detyrueshme të haxhit.

Imami ka theksuar rëndësinë e unitetit në
botën islame dhe ka kërkuar dialog mes myslimanëve. Pasi i është
drejtuar besimtarëve, imami e dha një predikim për shpëtimin e
myslimanëve në Siri dhe në Birmani.

Mbreti saudit Abdullah ka
lëshuar një urdhër për të lejuar lehtësime për viza dhe gjithçka tjetër
për pelegrinët nga Siria. Ai i ka dërguar edhe letër ambasadave të
Turqisë, Jordanisë dhe Libanit ku ka njoftuar për këtë
qëllim./Telegrafi/Portalb