Enderrat

Ndonëse shumica e ëndrrave që mbahen në mend nga të rriturit janë aq hutuese (konfuze) sa bëhen shqetësuese, psikologjia e energjive epshore konsideron se ëndërrat kanë për qëllim mbrojtjen e gjumit. Ëndërrat mbrojnë personin në gjumë nga ndërprerjet që mund të dalin nga ndjenjat e pakëndshme trupore si: dhembja, të ftohtit, ose uria; nga brengat e vetëdijshme të mbetura nga përjetimet gjatë ditës; dhe nga nevojat e pavetëdijshme që vijnë nga Id-i. Shqyrtimi i disa prej termineve relevante do të lehtësojë të kuptuarit tonë të këtij procesi.

Ngjarjet dhe imazhet e përjetuara nga ëndërruesi paraqesin përmbajtjen manifeste të ëndrrave. Ato mund të mbahen ose të mos mbahen në mend pas zgjimit, por konsiderohet se kanë qenë në vetëdije gjatë gjumit. Mendimet dhe ndjenjat që kërcënojnë ta zgjojnë personin në gjumë paraqesin përmbajtjen latente të ëndrrave. Operacionet e pavetëdijshme mentale që mbajnë përmbajtjen latente të ëndrrave jasht sferës së vetëdijes (vëmendjes) dhe që ndikojnë në imazhet e përmbajtjes manifeste të ëndrrave quhen puna e ëndrrës.

Përmbajtja latente e ëndrrës i ka disa komponenta:

Ngacmimet senzorike (ndjesore) të natës si senzacionet trupore të përmëndura më parë, si edhe zhurmat, erërat (nga zorrët), dhe tendosjet e tjera.
Preokupimet e jetës ditore, përfshirë brengat dhe frikat prej të cilave personi me dëshirë do të lirohej, që shpesh quhen mbetjet e ditës.
Impulset e ndrydhura nga Id-i, si libidinale ashtu edhe agresive, që bëjnë presion për t’u përmbushur.
Pjesa më vitale dhe më qenësore e përmbajtjes latente të ëndrrave është komponenta e fundit, impulset e ndrydhura nga Id-i. Kjo komponentë paraqet burimin e energjisë psikike për përmbajtjen latente të ëndrrave. Në fakt, ngacmimet trupore gjatë natës ose mbetjet e preokupimeve ditore, si të vetme, nuk janë të mjaftueshme, që ta zgjojnë personin nga gjumi ose bile të krijojnë ëndërrën. Ato duhet të inkuadrojnë edhe ndonjë element të impulseve të ndrydhura të Id-it për të mundë që ta bëjnë këtë.

Mesa kam lexuar nje enderr zgjat nga 2 sec e deri ne 45 min,dhe mesatarja eshte 15 min.Gjithkush nga ne shikon endrra,por jo te gjithe i mbajne mend.Aftesia per te mbajtur mend endrrat varet nga personaliteti i gjithsecilit!!

mua me dalin te verteta